BAKI, 10 dekabr — Sputnik. Narahatsınız? Bir şok yaşamısınız? Yata bilmirsiniz? Özünüzü sakitləşdirməyin asan yolu var - çay içmək. Doğrudur, bunlar çoxlarına tanış olan qara çaylar deyil, faydalı sakitləşdirici otlar və bitki hissələrinə əsaslanan içkilərdir. Bir çox bitki mənşəli seçimlər arasında elm depressiya və narahatlıq üçün ən təsirli olan yeddisini müəyyən edib.
Bu çaylara bəzən "yatmış pişiklərin" çayları da deyirlər. Bir çox insan pişiklərin yatarkən bizə necə yaraşıqlı canlılar kimi göründüyünü bilir. Qəzəbli bir heyvan tamam başqa məsələdir. Pişiklər tez-tez həddindən artıq həyəcanlı vəziyyətdə olurlar. Buna görə isti, sakitləşdirici bir stəkan çayın təsiri belə sevimli bir tərzdə müqayisə edilib.
Alimlər bitki çaylarında psixi sağlamlığa müsbət təsir göstərən əsas aktiv birləşmələri müəyyən ediblər. Tədqiqat yeddi çayın ən yüksək səviyyədə "antihəyəcan" fermentlərinə malik olduğunu müəyyən edib.
1. Çobanyastığı çayı
Araşdırmalar göstərib ki, bu bitki çayı bəzi sakitləşdirici xüsusiyyətlərə malikdir. "Phytomedicine" nəşri 2016-cı ildə keçirilmiş bir araşdırmanı dərc edib. Araşdırma zamanı generallaşdırılmış narahatlıq xəstəliyi olan bir qrup insanlara çobanyastığı çayı içmək təklif edilib, digər qrupa isə plasebo verilib. Nəticə göstərib ki, bitki çayı içənlərdə narahatlıq əlamətləri daha az olur.
Çobanyastığının sakitləşdirici təsiri sakitləşdirici xüsusiyyətlərə malik olan, narahatlıq və qorxu hisslərini yatıran xrizinlərlə əlaqələndirilir. Bu çay panik atak və depressiya üçün tövsiyə olunur.
2. Şüyüd çayı
Şüyüd nəinki müxtəlif yeməklərdə ədviyyat kimi geniş istifadə olunur, həm də stress və narahatlığı aradan qaldırır. Bitki çay kimi və ya sadəcə qara çaya əlavə olaraq dəmlənir. Həmçinin, toxumlarının dəmləməsi yuxusuzluq üçün istifadə edilə bilər.
Adətən bir stəkan çaya bir çay qaşığı şüyüd toxumu əlavə edilir. 5-10 dəqiqə dəmlənir, süzülür və içilir.
3. Yaşıl çay
Yaşıl çay insanların sakitləşməsinə və hətta yaddaşı yaxşılaşdırmağa kömək edən katexinlər - antioksidantlarla zəngindir. Bundan əlavə, mütəxəssislər içkinin depressiya və yuxululuq əlamətlərini minimuma endirmək qabiliyyətinə diqqət çəkirlər ki, bu da məhsulda kofeinin olması ilə bağlıdır.
4. Ballınanə və nanə ilə çay
Ballınanə (Melissa) və nanə eyni ailədən olan çox oxşar otlardır. Hər iki bitki narahatlıq, depressiya və yuxusuzluğu müalicə etmək üçün geniş istifadə olunur. Ballınanə koqnitiv funksiyanı yaxşılaşdırır, stress və narahatlığı azaldır. Nanə çayı da eyni şəkildə təsir edir. Bu, stress və narahatlığı azaldan və yuxusuzluğu müalicə edən mentol ekstraktı ilə bağlıdır.
Bu bitki çayını hazırlamaq armud qabığını kəsmək qədər asandır: bir stəkan çay yarpağına bir xörək qaşığı qurudulmuş melissa və ya nanə yarpağı əlavə edin, üzərinə qaynar su tökün və dəmlənməsinə icazə verin. Çayınız hazırdır.
5. Cökə çayı
Bir stəkan ətirli cökə çayını bir qaşıq bal ilə içmək əsl zövqdür. Bu həzzin sağlamlığa müsbət təsiri ilə müşayiət olunduğunu başa düşmək daha xoşdur. Cökə çiçəyi çayı stress və narahatlığı aradan qaldırmaq üçün başqa bir əla vasitədir. Cökə çiçəyi sakitləşdirici xüsusiyyətlərə malikdir, onun sakitləşdirici təsiri sinir xəstəlikləri üçün uğurla istifadə olunur və yuxusuzluğun qarşısını alır.
Çaya iki-üç çay qaşığı cökə çiçəyi əlavə etmək məsləhətdir.
6. Pişikotu çayı
Pişikotu kökünün tərkibində izovalerik turşu və antioksidantlar var ki, onlar narahatlığı azaldır və yuxunu yaxşılaşdırırlar. Pişikotu kökü çayı içmək rahatlıq və sakitlik hissi gətirməyə kömək edəcək. Pişikotu çayını gecələr içmək daha yaxşıdır, çobanyastığından daha güclü sakitləşdirici təsir göstərir və yuxuya səbəb ola bilər.
Bu çayı hazırlamaq üçün bir stəkan qaynar su və 2-3 q valerian kökü lazımdır. Çay 10-15 dəqiqəyə dəmlənir.
7. Sarıkök çayı
Sarıkökdə dofamin və serotonin kimi neyromediatorların sərbəst buraxılmasını stimullaşdırmaq qabiliyyəti olan kurkumin adlı aktiv birləşmə mövcuddur. Bu, insana stress faktorlarına daha uğurla tab gətirməyə imkan verir.
Sarıkök çayı bir stəkan qaynar suyun 0,5 çay qaşığı sarıkök tozuna nisbətdə hazırlanır. Qarışıq 10 dəqiqə müddətində aşağı istilikdə qaynadılır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.