BAKI, 11 dekabr — Sputnik. Avropada Ukraynaya yardım fonunda kifayət qədər silah ehtiyatı olmaması ilə bağlı narahatlıqlar artır.
"Wall Street Journal" bu barədə yazıb.
Qəzetin qeyd etdiyi kimi, Avropanın sənaye silahları istehsal potensialının çox hissəsi büdcənin illərlə azaldılması nəticəsində zədələnib. Qeyd olunub ki, ölkə hökumətlərinin əksəriyyətinin yavaş iqtisadi artım, əhalinin qocalması fonunda büdcə məhdudiyyətləri, həmçinin müdafiənin maliyyələşdirilməsi üçün sosial təminat xərclərinin azaldılması ilə üzləşdiyi dövrdə "vəziyyəti dəyişdirmək" çətin bir problemdir.
"Amerika daha təcridçi mövqeyə doğru irəlilədikcə və Ukraynada, təxminən iki il davam edən münaqişədən sonra Rusiyanın Avropa üçün potensial təhlükəsi barədə yeni xəbərdarlıq yarandıqca narahatlıq artır... Moskvanın 3-4 il ərzində tam silahlanma qabiliyyətinə və başqa yerlərdə problemlər yaradacağına şübhə etmyənlər az deyil", - deyə "Wall Street Journal" yazıb.
Nəşrin fikrincə, ABŞ Kiyevə əsas yardım göstərməkdən imtina edərsə, Avropanın silah ehtiyatları olmayacaq və o, eyni zamanda həm Ukraynanın ehtiyatlarını artıra, həm də öz qüvvələrini bərpa edə bilməyəcək.
"2022-ci ildə Britaniya ordusu modernizasiya və Ukraynaya hədiyyə etmək üçün muzeylərdən çoxsaylı buraxılış raket sistemləri almaq imkanını nəzərdən keçirdi, lakin bu ideyadan imtina edildi... Danimarkada ağır artilleriya, sualtı qayıqlar və hava hücumundan müdafiə sistemləri yoxdur. Alman ordusunun vur-tut iki günlük döyüşə kifayət edəcək qədər döyüş sursatı var", - deyə nəşr vurğulayıb.
Daha əvvəl "Guardian" qəzeti mənbələrə istinadən yazıb ki, Macarıstanın baş naziri Viktor Orbanın tərəfdarları bazar ertəsi Vaşinqtonda qapalı ikigünlük toplantıya başlayacaqlar. Bu toplantıda ABŞ Respublikaçılar Partiyasının nümayəndələri ilə birlikdə Kiyevə maliyyənin dayandırılmasını müzakirə ediləcək.