BAKI, 11 dekabr — Sputnik. Taxıl sazişinin bərpası üzrə danışıqlarda irəliləyiş yaxın gələcəkdə mümkün deyil, lakin Türkiyə və BMT bu məsələni müzakirə etməkdə davam edirlər.
Bunu Ankaradakı diplomatik mənbə "RİA Novosti"yə bildirib.
Danışıqlarda irəliləyişin yaxın günlərdə mümkün olub-olmaması ilə bağlı suala cavab olaraq mənbə qeyd edib ki, "danışıqlar prosesi tərəflərin prinsipial mövqelərinə görə mürəkkəbdir".
"Tezliklə irəliləyiş gözlənilmir, lakin iş gedir" – deyə qeyd edilib.
Daha əvvəl Rusiya Xarici İşlər Nazirliyinin rəsmi nümayəndəsi Mariya Zaxarova bildirib ki, Ukrayna taxılının ixracı ilə bağlı Qara dəniz təşəbbüsü aqrar sektorla məşğul olan Rusiya şirkətlərindən bütün sanksiyalar götürülərsə, işə yarayacaq.
Hazırda Rusiya gübrə və ərzaq ixracını davam etdirir. Bundan əlavə, ölkə ehtiyacı olan ölkələrə pulsuz yardım edir. Xatırladaq ki, Qara dəniz taxıl müqaviləsi iyulun 18-də dayandırılıb.