BAKI, 7 dekabr — Sputnik. Qərb ölkələrinin Ukraynaya təhvil verməyi planlaşdırdığı F-16 qırıcıları Xüsusi Hərbi Əməliyyat zonasında S-400 zenit-raket kompleksinin öz sinfinin ən qabaqcıl uzaqmənzilli 40N6 raketlərinin köməyi ilə vurulacaqlar.
Bu barədə "RİA Novosti" məlumatlı mənbəyə istinadən xəbər verib.
Agentliyin mənbəsi 40H6-nın xüsusi hərbi əməliyyat zonasında fəal şəkildə istifadə olunduğunu vurğulayıb. A-50U təyyarəsi ilə birlikdə raketlər üfüqdəki hədəfləri, o cümlədən yüksək sürətli manevr edən aşağı hündürlükdəki hədəfləri vurmağa qadirdir.
Ehtimal olunur ki, S-400 Qərb qırıcılarını havaya qalxdıqdan və hündürlük toplamağa başladıqdan dərhal sonra məhv edə biləcək. Bu, 40H6-nın F-16-ları məhv etmək üçün istifadə edilən əsas silahlardan birinə çevrilməsinə imkan verəcək.
Bundan əvvəl hərbi ekspert Anatoli Matviyçuk bildirmişdi ki, Rusiya Silahlı Qüvvələrində olan bütün Rusiya qırıcıları Amerikanın F-16 təyyarələri ilə "baş-başa gəlməyə" qadirdirlər. Onun sözlərinə görə, yerli təyyarələr olan Su-30, Su-35, MiQ-29, Su-34 və digərləri silahlanma və sürət xüsusiyyətlərinə görə ABŞ-dan olan rəqibindən heç də geri qalmırlar.