BAKI, 5 dekabr — Sputnik. ÇXR-in xarici işlər naziri Van İ Çinin və Avropa İttifaqının (Aİ) sülh və sabitlik yolunu seçəcəkləri təqdirdə yeni soyuq müharibənin olmayacağına inandığını bildirib.
Bu barədə RİA Novosti Çin diplomatının Pekində Aİ diplomatik missiyasının nümayəndələri və Avropa İttifaqı ölkələrinin diplomatları ilə görüşü zamanı söylədiklərinə istinadən xəbər verib.
"Əgər Çin və Aİ dialoq və əməkdaşlığı seçsələr, o zaman blok qarşıdurması olmayacaq; Çin və Aİ sülh və sabitliyi seçsələr, yeni soyuq müharibə başlamayacaq", - deyə RİA Novosti nazirin aşıqlamasında sitat gətirir.
Van İ həmçinin dünya inkişafı və firavanlığı üçün açıqlıq və ümumi mənfəət yolunun seçilməsinin vacibliyini də qeyd edib.
Bu yaxınlarda Aİ diplomatiyasının rəhbəri Josep Borrell bildirib ki, Brüssel Rusiya və Ukrayna arasındakı münaqişə ilə bağlı Çin hakimiyyətinin mövqeyindən narazıdır.