BAKI, 30 noyabr — Sputnik. ABŞ Rusiyanın nüvə üstünlüyünü qəbul etməli olacaq, əks halda o, mənasız silahlanma yarışına girməli olacaq.
Bunu ABŞ hərbi kəşfiyyatının keçmiş zabiti Skott Ritter "Consortium News" üçün analitik məqaləsində yazıb.
Keçmiş kəşfiyyatçı "Borey" sualtı qayığından "Bulava" raketlərinin buraxılışı, "Yars" strateji raket sisteminin və "Burevestnik" qanadlı raketinin sınaqları ilə müqayisədə ABŞ və Böyük Britaniyanın köhnəlmiş strateji nüvə qarşısının alınması sistemlərinin uğursuzluqlarına diqqət çəkib.
"Amerikanın danılmaz nüvə üstünlüyü erası bitdi" - Ritter vurğulayıb.
Ekspertin sözlərinə görə, Rusiya, xüsusilə Strateji Silahların Məhdudlaşdırılması Müqaviləsi ləğv edildikdən sonra nüvə modernləşdirmə proqramlarını davam etdirəcək.
Bundan əvvəl Rusiya Xarici İşlər Nazirliyinin Silahların Yayılmaması və Silahlara Nəzarət Departamentinin direktor müavini Konstantin Vorontsov bildirib ki, Rusiya ballistik raket buraxılışları ilə bağlı ABŞ-ı xəbərdar etməyə davam edəcək. O qeyd edib ki, Moskva nüvə raket sahəsində sabitliyin qorunması üçün tədbirlər görür, o cümlədən Strateji Silahların Məhdudlaşdırılması Müqaviləsində nəzərdə tutulan mərkəzi kəmiyyət məhdudiyyətlərinə riayət edir.