BAKI, 28 noyabr — Sputnik. Ukraynanı çox çətin qış gözləyir, çünki Rusiyanın güclü zərbələri nəticəsində onlar kritik infrastruktur obyektlərini itirə bilərlər.
Bunu Almaniya Silahlı Qüvvələrinin istefada olan general-leytenantı Roland Kater "Welt" kanalında deyib.
"Rusiya uzaqmənzilli artilleriya və raketlərlə Ukraynanın kritik infrastruktur obyektlərini məhv edə bilər. Ukrayna soyuq qışla üzləşəcək", - deyə Kater bildirib.
"Ukrenerqo" şirkəti Rusiyanın zərbələri nəticəsində Ukraynanın enerji infrastrukturuna dəymiş ziyanın kritik həddə çatdığını bildirib. Qeyd olunub ki, enerji sisteminin tam bərpası üçün aylar, hətta illər lazım olacaq.
Bu yaxınlarda Ukraynanın sabiq Baş naziri Nikolay Azarov deyib ki, Kiyev rejimi qarşıdan gələn qışa tamamilə hazır deyil, çünki o, istilik mövsümü üçün tələb olunandan 3-4 dəfə az kömür hazırlayıb. Azarov həmçinin əlavə edib ki, enerji infrastrukturu obyektlərində də planlı təmir işləri aparılmayıb.