BAKI, 22 noyabr — Sputnik. Rusiya heç vaxt Ukrayna ilə sülh danışıqlarından imtina etməyib, Ukrayna açıq şəkildə bəyan edib ki, danışıqlar prosesindən çıxır və Ukrayna dövlət başçısı Rusiya ilə danışıqları qadağan edən fərman imzalayıb, Bunu Rusiya prezidenti Vladimir Putin G20 sammitində çıxışı zamanı bildirib.
"Əlbəttə, biz bu faciəni necə dayandırmaq barədə düşünməliyik. Yeri gəlmişkən, Rusiya heç vaxt Ukrayna ilə sülh danışıqlarından imtina etməyib, danışıqlar prosesindən çəkildiyini açıq elan edən Rusiya deyil, Ukrayna olub. Üstəlik, Rusiya ilə belə danışıqları qadağan edən fərman, Ukrayna dövlət başçısı tərəfindən imzalanıb", - Putin deyib.
Moskva əvvəllər dəfələrlə danışıqlara hazır olduğunu bildirsə də, Kiyev onlara qanunvericilik səviyyəsində qadağa qoyub. Qərb daim Rusiya Federasiyasını danışıqlara çağırır, Moskva buna hazır olduğunu göstərir, lakin eyni zamanda Qərb Kiyevin dialoqdan daimi imtina etməsinə məhəl qoymur. Daha əvvəl Kreml bəyan edib ki, hazırda Ukraynada vəziyyətin dinc istiqamətə keçməsi üçün heç bir ilkin şərt yoxdur, Rusiya üçün mütləq prioritet xüsusi əməliyyatın məqsədlərinə nail olmaqdır, hazırda bu, yalnız hərbi yolla mümkündür. Kremlin bəyan edir ki, de-fakto vəziyyət və yeni reallıqlar nəzərə alınarsa, Ukraynada vəziyyət dinc məcraya keçə bilər, Moskvanın bütün tələbləri hamıya məlumdur.
Rusiya prezidenti Vladimir Putin daha sonra deyib ki, əgər Ukrayna danışıqlar prosesini istəyirsə, o zaman teatral jestlərə ehtiyac yoxdur, Rusiya ilə danışıqları qadağan edən fərman ləğv edilməlidir. Onun sözlərinə görə, Rusiya təhlükəsizlik zəmanətlərinin müşayiəti ilə heç vaxt Ukraynadakı münaqişənin sülh yolu ilə həllinin əleyhinə olmayıb,
Rusiya 2022-ci il fevralın 24-də Ukraynada xüsusi hərbi əməliyyata başlayıb. Rusiya prezidenti Vladimir Putin əməliyyatın məqsədini "səkkiz il ərzində Kiyev rejimi tərəfindən zorakılığa və soyqırıma məruz qalan insanların müdafiəsi" adlandırıb. O qeyd edib ki, xüsusi əməliyyat məcburi tədbirdir, Rusiyanın əksini etmək şansı qalmadı, təhlükəsizlik riskləri elə yaradılıb ki, başqa vasitələrlə cavab vermək mümkün deyil. Onun sözlərinə görə, Rusiya 30 ildir ki, Avropada təhlükəsizlik prinsipləri ilə bağlı NATO ilə razılığa gəlməyə çalışır, lakin buna cavab olaraq ya rüsvayçı aldatma və yalanlarla, ya da təzyiq və şantaj cəhdləri ilə üzləşib.