BAKI, 22 noyabr — Sputnik. Bakıda aparılan yoxlamalar nəticəsində bir sıra dönərxanaların fəaliyyəti məhdudlaşdırılıb.
Azərbaycan Respublikasının Qida Təhlükəsizliyi Agentliyi (AQTA) tərəfindən əhalinin sağlamlığının qorunması və təhlükəsiz qida məhsulları ilə təmin edilməsi, dönərxanalarda hazırlanan dönərlərin keyfiyyət və təhlükəsizliyinin qiymətləndirilməsi məqsədilə Bakı şəhərinin müxtəlif ərazilərində dönər satışı həyata keçirilən qida obyektlərində monitorinqlər keçirilib. Bu barədə AQTA-dan Sputnik Azərbaycan-a bildirilib.
Bakıda yoxlanılan bir sıra dönərxananın fəaliyyəti məhdudlaşdırıldı
© Sputnik
Xəbərə görə, monitorinqlər çərçivəsində noyabr ayının ilk ongünlüyündə 107 toyuq əti və 102 mal əti olmaqla, ümumilikdə, 209 hazır dönərdən nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim edilib.
Götürülmüş məhsul nümunələrinin laborator analiz cavabının nəticəsi mənfi çıxan, müxtəlif bakteriya və s. uyğunsuzluq aşkarlanmış dönərxanalarda Agentliyin müfəttişləri tərəfindən plandankənar yoxlamalar həyata keçirilib. Belə ki, 2023-cü ilin 20 noyabr tarixində, Bakı şəhəri Binəqədi rayonu, Binəqədi şossesi 345A ünvanında fəaliyyət göstərən "Mersin öz tantuni" dönər evində, Qaradağ rayonu, Lökbatan ŞTQ, Xocahəsən yolu 57 ünvanında fəaliyyət göstərən "Ordubad" kafesində, Qaradağ rayonu, Binə Ticarət Mərkəzi ünvanında fəaliyyət göstərən "Alaturka" dönərxanasında, Nərimanov rayonu, Ağa Nemətulla küçəsi 73 ünvanında fəaliyyət göstərən "By Mersin öz tantuni" dönərxanasında, Sabunçu rayonu, Bakıxanov qəsəbəsi, Y.Əliyev 2595-ci məhəllə ünvanında fəaliyyət göstərən "Tam Dad" dönərxanasında, Sabunçu rayonu, Zabrat ŞTQ, Babək 33 ünvanında fəaliyyət göstərən "İstanbul dönər" ictimai iaşə obyektində, Nizami rayonu, Q.Qarayev prospekti 51/57 ünvanında fəaliyyət göstərən "Öz Tantuni" ictimai iaşə obyektində, Suraxanı rayonu, Əmircan ŞTQ, Malik Mustafayev 20A ünvanında fəaliyyət göstərən " Adana dönər" Nəsimi rayonu, Səməd Vurğun 58, m.22A ünvanında fəaliyyət göstərən "Tantuni" ictimai iaşə obyektlərində plandankənar yoxlamalar həyata keçirilib.
Bakıda yoxlanılan bir sıra dönərxananın fəaliyyəti məhdudlaşdırıldı
© Sputnik
Aşkar edilmiş pozuntularla bağlı müəssisə rəhbərliyi barəsində inzibati tədbir görülüb, eyni zamanda, qida obyektində çiy dönər emalı və dönər kababının satışının qadağan edilməsi ilə bağlı məhdudlaşdırıcı tədbirlərin tətbiqi barədə qərar qəbul olunub. Agentlik tərəfindən müvafiq araşdırmalar və yoxlama-nəzarət tədbirləri davam etdirilir.