BAKI, 15 noyabr — Sputnik. Rusiya tərəfi noyabrın əvvəlində Nüvə Sınaqlarının Hərtərəfli Qadağası Müqaviləsindən (NSHQM) çıxıb. Bu qərar ABŞ-ın qurduğu dünya nizamını sarsıdıb.
Bunu ABŞ-dan olan jurnalist Kleyton Morris "Redacted News" proqramında bildirib.
Müxbirin sözlərinə görə, Rusiya Prezidenti Vladimir Putin "Qərb ölkələrini çaş-baş salan" "çarpıcı addım" atıb. O, Vaşinqtonun yaratdığı və rəhbərlik etdiyi qlobal dünya nizamının "gözümüzün qabağında dağıldığını" nümayiş etdirib.
"Əslində Putinin bu günlərdə atdığı addımlar onun Ukraynada münaqişə başlayandan bəri etdiyi hər şeydən daha böyükdür", - deyə Morris qeyd edib.
Bundan əlavə, Rusiya Federasiyasının çinli tərəfdaşları ilə əlaqələri Qərbi sözün əsl mənasında "bitirir". Vladimir Putin və Çin sədri Si Cinpin arasındakı ünsiyyət Yaxın Şərq və Asiyada ticarətin inkişaf etdiyini, diqqəti Qərb ölkələrindən "sürüşdürdüyünü" sübut edir.
Daha əvvəl bildirilmişdi ki, G7 ölkələri Rusiyanın Nüvə Sınaqlarının Hərtərəfli Qadağası Müqaviləsindən ratifikasiyasını geri götürmək qərarını şərh ediblər. Onlar "kollektiv təəssüf" ifadə ediblər.