BAKI, 15 noyabr — Sputnik. İstənilən dövlətin özünümüdafiə hüququ var və bu qonşu Ermənistan və Azərbaycana Gürcüstanın tranzit funksiyasından bərabər şərtlərlə istifadə etmək imkanı verir. Bu barədə Gürcüstan Xarici İşlər Nazirliyinin rəhbəri İliya Darçiaşvili Gürcüstanın Birinci Kanalının efirində Fransanın zirehli texnikasının Ermənistana verilməsini şərh edərkən bildirib.
Bundan əvvəl sosial şəbəkələrdə Gürcüstanın Poti limanında yüklərin zirehli avtomobillərin boşaldılması zamanı fotoşəkilləri yayılıb. Ermənistan Müdafiə Nazirliyi tədarüklə bağlı məlumatı şərh etməyib, Ermənistan-Fransa hərbi-texniki əməkdaşlığı ilə bağlı rəsmi məlumatlardan başqa əlavə məlumat verə bilməyəcəyini bildirib.
Gürcü nazirin sözlərinə görə, adi silah növlərinə gəldikdə, istənilən dövlətin arsenalını onlarla doldurmaq hüququ var.
"Gürcüstanın mövqeyi ondan ibarətdir ki, hər iki ölkəyə Ermənistan və Azərbaycana tranzit imkanları vermək lazımdır. Məncə, burada lazımsız spekulyasiyalar yersizdir", - Darçiaşvili əlavə edib.
Xarici siyasət idarəsinin rəhbərinin qeyd edib ki, Tbilisi də İrəvanla Bakı arasında danışıqlar prosesində qərəzsiz oyunçu rolunu kifayət qədər uğurla oynayır.
"Gürcüstan həmişə bu prosesdə bu təbii rolu öz üzərinə götürməyə çalışıb, lakin bu, çox çətin, mürəkkəb münaqişə idi. Gürcüstan baş nazirin xüsusi səyləri və onun ölkə liderləri ilə şəxsi münasibətləri sayəsində iki ölkə üçün qarşılıqlı faydalı sazişlər şəklində konkret nəticə əldə etmişik", - Darçiaşvili bildirib.
O, qeyd edib ki, Ermənistan və Azərbaycan açıq şəkildə sülhün zəruriliyindən, sülh sazişinin imzalanmasından danışmağa başlayıblar və onların ritorikası tamamilə sülhə yönəlib.