BAKI, 11 noyabr — Sputnik. Yer üzündəki ən gənc ada, sualtı vulkanın püskürməsini müşahidə edən Yapon alimlərinin gözü qarşısında meydana gəlib.
Tokio Universitetinin Zəlzələ Tədqiqatları İnstitutunun əməkdaşları unikal hadisənin – yeni adanın doğulmasının şahidi olublar.
Torpaq sahəsi vulkanik Bonin adaları qrupunda yerləşən və 1945-ci ilin yazında Yaponiya ilə ABŞ arasında tarixi döyüşlə məşhur olan İo adasının yaxınlığında ortaya çıxıb.
Alimlərin fikrincə, sualtı vulkanın püskürməsi zamanı sözdə freatik partlayış baş verib. Bu zaman isti maqma çox miqdarda su ilə təmasda olub. Nəticədə lava bombalarının, küllərin və daşların dərhal buxarlanması və sərbəst buraxılması baş verib.
Tədqiqatçıların gözü qarşısında yaranan adanın uzunluğu, təxminən 200 metr, eni 100 metrdir. Onun səthi vulkanik daşlarla örtülüb.
Vulkanoloqlar hesab edirlər ki, yeni torpaq sahəsinin formalaşması hələ başa çatmayıb və püskürmə davam etdikcə onun ölçüsü arta bilər.