BAKI, 10 noyabr - Sputnik. Şuşa şəhəri İslam Əməkdaşlığı Təşkilatının (İƏT) 2024-cü il üzrə Gənclər Paytaxtı seçilib.
Bu barədə Gənclər və İdman Nazirliyindən məlumat verilib.
Məlumatda deyilir ki, İslam Əməkdaşlığı Təşkilatı Gənclər Forumunun həyata keçirdiyi “Gənclər Paytaxtı 2024” beynəlxalq proqramının seçim komissiyası tərəfindən 2024-cü il üzrə namizədliyi irəli sürülən Şuşa şəhərinin “İƏT Gənclər Paytaxtı” seçilməsi ilə bağlı yekdilliklə qərar qəbul edilib.
İƏT Gənclər Forumunun İcraiyyə Şurasının 11-ci iclasında gənclər və idman nazirinin müavini Fərhad Hacıyev və nazirliyin gənclərlə iş şöbəsinin müdir müavini Ülviyyə Axundova iştirak ediblər.