BAKI, 8 noyabr - Sputnik. 8 Noyabr - Zəfər Günü ilə əlaqədar Laçın şəhərində hərbi orkestrin müşayiəti ilə hərbi qulluqçuların yürüşü təşkil olunub.
Sputnik Azərbaycan xəbər verir ki, hərbi qulluqçular hərbi orkestrlərin müşayiəti ilə saat 10:00-dan başlayaraq Laçın şəhərində yürüş edirlər.
8 Noyabr - Zəfər Günü ilə əlaqədar Gəncə şəhərində də hərbi orkestrin müşayiəti ilə hərbi qulluqçuların yürüşü təşkil olunub.
Hərbi qulluqçular hərbi orkestrin müşayiəti ilə saat 10:00-dan başlayaraq Nizami Gəncəvi prospekti ilə şəhərin baş meydanına yürüş ediblər.
Qeyd edək ki, 8 Noyabr - Zəfər Günü ilə əlaqədar bu gün Bakıda, Gəncədə, Bərdə, Füzuli şəhərlərində və Zəngilan rayonunda hərbi orkestrlərin müşayiəti ilə hərbi qulluqçuların yürüşləri təşkil olunub.