BAKI, 4 noyabr - Sputnik. Alla Puqaçovanın qəfil Rusiyaya gəlişi böyük səs-küyə səbəb olub. Onun vətənə niyə qayıtması ilə bağlı çox müxtəlif versiyalar var. Belə ki, şoumen Stas Baretski müğənninin Moskvada əbədi qalacağına inanır. O iddia edir ki, Primadonnanın Maksim Qalkinlə* ailə həyatı bitib.
Stas Baretski israr edir ki, Alla Puqaçova Maksim Qalkinlə* boşanmaq üzrədir.
“Mən bilirəm ki, o, qayıdıb, mən artıq Alla Borisovna ilə danışmışam... Ümid edirəm ki, biz bu qəsrdə birlikdə yaşayacağıq...”, - Woman.ru şoumendən sitat gətirir.
O, əmin edir ki, yaxın bir neçə gündə müğənni dincələcək, sonra dostları ilə görüşəcək.
“O, birdəfəlik gəlib. Qalkindən* boşanıb. Təbii ki, boşanırlar, bunu artıq bütün məlumatlı adamlar bilir”, - şoumen deyir.
Öz növbəsində məşhur şair İlya Reznik də yaxın dostunun qayıdışı ilə bağlı açıqlama verib. O da Puqaçovanın Rusiyada olmasına sevinir.
“Dünyanın heç bir ölkəsində o, evdəki qədər rahat hiss etməyəcək. Alla həmişə Rusiyanı sevib. Və mən onu həmişə sevmişəm və sevəcəyəm. O mənim bacımdır. Və məni həmişə qardaş hesab edirdi. Və onun şəxsi həyatının heç biri bizim münasibətimizə təsir etməyəcək”, - mk.ru saytı onun sözlərini sitat gətirir.
*Rusiya Federasiyasının Ədliyyə Nazirliyi Maksim Qalkini xarici agentlər siyahısına daxil edib.