BAKI, 2 noyabr — Sputnik. Rusiya özü Qərb istiqamətini bağlamadı. O, hətta indiki çətin şəraitdə də etibarlı qaz təchizatçısı olaraq qalır. Bunu Sankt-Peterburq Beynəlxalq Qaz Forumunda (SPIGF) çıxış edən Rusiya Energetika Nazirliyinin rəhbəri Nikolay Şulqinov bildirib.
"Nə Rusiya, nə də "Qazprom" qərb istiqamətini bağlamayıb. Qərb ölkələri təxribat törədib, "Şimal axını" və "Şimal axını 2"yə ziyan vurub. Avropa ölkələrinin təşəbbüsü ilə Avropaya tədarük dayandırılıb. Biz hələ də özümüzü etibarlı təchizatçı hesab edirik. Bizim tədarükümüz var. Bu istiqamətdə Mərkəzi Avropa ölkələrinə tədarükümüzü davam etdiririk. Bundan başqa, "Türk axını" ilə Avropaya, Cənubi Avropa ölkələrinə tədarükümüz var. Mayeləşdirilmiş təbii qaz tədarükü var".
"Biz danışıqlara və tədarükün bərpasına açığıq, lakin bunlar ilk növbədə alıcının təklifləri olmalıdır. Biz özümüzü etibarlı təchizatçı hesab etməyə davam edirik, hətta bu çətin şəraitdə də çatdırırıq", - Şulqinov əlavə edib.
Oktyabrın 31-dən noyabrın 3-dək Sankt-Peterburqda XII Sankt-Peterburq Beynəlxalq Qaz Forumu keçirilir.