BAKI, 31 oktyabr — Sputnik. ABŞ-ın İraqdakı Ayn əl-Əsəd bazasına dronlarla zərbələr endirilib, heç bir dağıntı və tələfat qeydə alınmayıb. Bu barədə "Reuters" mənbələrə istinadən xəbər verir.
ABŞ Mərkəzi Komandanlığı daha əvvəl RİA Novosti-yə bildirmişdi ki, 20-dən çox amerikalı hərbçi onların Yaxın Şərqdəki bazalarına artan hücumlar nəticəsində yaralanıb.
Pentaqonun məlumatına görə, oktyabrın 17-dən 24-dək olan həftə ərzində İranla əlaqəsi olduğu güman edilən silahlı qruplar İraqdakı ABŞ əsgərlərinə raket və pilotsuz uçuş aparatları ilə 10 dəfə, Suriyada isə üç dəfə hücum edib.