BAKI, 27 oktyabr - Sputnik. Bu gün Azərbaycan Dövlət Gənc Tamaşaçılar Teatrında teatrın və Bakı Xoroeqrafiya Akademiyasının birgə layihəsi olan "El bilir ki, sən mənimsən" adlı tədbiri baş tutub.
Gənc Tamaşaçılar Teatrının mətbuat xidmətinin rəhbəri Samirə Əşrəfin Sputnik Azərbaycan-a verdiyi məlumata görə, tədbirin rejissoru Əməkdar artist Nicat Kazımovdur.
Gecədə teatrın aktyorları Xalq şairi Səməd Vurğunun "Azərbaycan" poemasından, eləcə də Heydər Əliyevə həsr olunmuş şeirlər səsləndiriblər.
Heydər Əliyevin 100 illik yubileyinə həsr olunan tədbir
© Sputnik / Shahperi Abbasova
Bundan əlavə, Bakı Xoroeqrafiya Akademiyasının tələbələri müxtəlif səpkili rəqslər təqdim ediblər.
Qeyd edək ki, musiqili kompozisiyada Gənc Tamaşaçılar Teatrının 55 aktyoru, Bakı Xoreqrafiya məktəbinin isə 80-ə yaxın tələbəsi iştirak edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.