BAKI, 27 oktyabr — Sputnik. ABŞ üfüqdən yuxarı radar sistemləri (ÜYRS) qurmağı planlaşdırır. Plana görə, onlar Rusiya və Çinin uzaqmənzilli qanadlı raketlərini vaxtından əvvəl aşkar edə biləcəklər. Bununla belə, Vaşinqton artıq problemlə üzləşib.
Yorktaun İnstitutunun Təhlükəsizlik Siyasəti Mərkəzinin baş elmi işçisi Stiven Brayan bu barədə məlumat verib.
Onun sözlərinə görə, ABŞ Çin və Rusiya raketlərini necə vuracağını bilmir. Hazırda tərtibatçılar dəqiq bir plan qurmayıblar.
Ümumilikdə yaradıcılar dörd ədəd üfüqdən yuxarı radar sistemləri (ÜYRS) düzəldərək onları quraşdıracaqlar. Əlavə iki sistem Kanadaya təhvil veriləcək. "Weapons and Strategy" portalı xəbər verir ki, iki ölkəyə belə stansiyaların yerləşdirilməsi bir neçə il çəkəcək.
"Birləşmiş Ştatlar Rusiya və Çin raketlərini öz hava məkanında vura bilməmək kimi "böyük problem"lə üzləşəcək", - deyə Brayan qeyd edib.
Problem ondadır ki, Vaşinqtonun hədəfin aşkarlanmasında problemləri var. O, həmçinin ABŞ hava məkanına daxil olan qanadlı raketləri məhv etmək proqramına malik deyil.
Bundan əvvəl ABŞ-ın həyəcan təbili çaldığı bildirilirdi. Buna səbəb Rusiya lideri Vladimir Putinin çinli həmkarı Si Cinpinlə görüşü olub.