BAKI, 26 oktyabr — Sputnik. Ermənistan və Azərbaycan bir neçə ay ərzində sülh və münasibətlərin normallaşdırılması haqqında saziş imzalaya bilər. Bunu Tbilisidə keçirilən beynəlxalq İpək Yolu Forumunda çıxışı zamanı Ermənistan Nazirlər Kabinetinin rəhbəri Nikol Paşinyan deyib.
"Biz indi Azərbaycanla sülh və münasibətlərin nizamlanmasına dair saziş layihəsi üzərində işləyirik, ümid edirəm ki, bu proses yaxın bir neçə ay ərzində başa çatacaq", - o deyib.