BAKI, 15 oktyabr - Sputnik. Ukraynanın əks-hücum əməliyyatı tamamilə uğursuz oldu, lakin hərbi əməliyyatların müəyyən bölgələrində Kiyev yeni aktiv hücum əməliyyatları hazırlayır və Rusiya buna uyğun olaraq reaksiya verir. Belə bir açıqlama ilə Rusiya Prezidenti Vladimir Putin "Moskva. Kreml.Putin" proqramında jurnalist Pavel Zarubinə müsahibəsində çıxış edib.
“Dayanmış olduğu iddia edilən əks-hücuma gəlincə, o, tamamilə uğursuz oldu. Biz bilirik ki, hərbi əməliyyatların müəyyən ərazilərində isə qarşı tərəf yeni aktiv hücum əməliyyatları hazırlayır. Biz bunu görürük, bilirik. Biz də buna uyğun reaksiya veririk”, - deyə Rusiya lideri bildirib.
Rusiya qoşunları xüsusi hərbi əməliyyat zonasında, o cümlədən Kupyansk, Zaporojye və Avdeyevsk istiqamətlərində demək olar ki, bütün təmas xətti boyunca “aktiv müdafiə” aparır və mövqelərini yaxşılaşdırır.
“Hazırda bütün təmas xəttində baş verənlərə “aktiv müdafiə” deyilir. Qoşunlarımız isə demək olar ki, bütün bu ərazidə öz mövqelərini yaxşılaşdırır. Kifayət qədər böyük bir yerdə. Bu, Kupyansk istiqamətinə aiddir, bu Zaporojye istiqamətinə də aiddir, bu Avdeyevka istiqamətinə də aiddir”, - deyə Putin bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.