BAKI, 11 oktyabr — Sputnik. İsraildə gərginləşən münaqişə ilə bağlı bir sıra amerikalı siyasətçilərin çağırdığı ABŞ-ın İrana mümkün zərbəsi Ukraynanın dəstəyinə ciddi təsir edəcək.
Bunu senator Aleksey Puşkov da öz "Telegram" kanalında yazıb.
Puşkovun fikrincə, dünyanın diqqət fokusu tamamilə Yaxın Şərqə yönələcək. Siyasətçi hesab edir ki, indi ABŞ-da artıq İrana qarşı koalisiya yaradılır, bu koalisiya respublikaya zərbə endirməyə çağırır və onu Hizbullah və HƏMAS-ı dəstəkləməkdə ittiham edir.
"Əgər ABŞ bu yolla getsə, Yaxın Şərqdəki böhran Kiyevin dəstəyinə ciddi zərbə vuracaq. Bu gün bu ssenarinin reallaşması mümkün deyil. Ancaq heç nəyi istisna etmək olmaz", - deyə Puşkov fikrini yekunlaşdırıb.
Bu yaxınlarda amerikalı jurnalist Taker Karlson bildirib ki, Yaxın Şərqdəki münaqişə ABŞ hökumətinin iflasına, eləcə də İranla nüvə müharibəsinə səbəb ola bilər.