BAKI, 9 oktyabr — Sputnik. Rusiya Xarici İşlər Nazirliyinin rəsmi nümayəndəsi Mariya Zaxarova öz teleqram-kanalında Qərbin Kiyevə qara bazarda tədarük etdiyi silahlarla bağlı Rusiya tərəfinin beynəlxalq ictimaiyyətə dəfələrlə etdiyi müraciətlərin sübutunu dərc edib.
Diplomat ötən ilin martından bu günə qədər brifinqlərdə verdiyi bəyanatlardan çıxarışlar dərc edib.
"Bir il yarım ərzində Rusiya Xarici İşlər Nazirliyində keçirilən rəsmi brifinqlərdə NATO-nun, ilk növbədə ABŞ-ın Zelenskiyə verdiyi silahların qara bazarlara necə yayıldığını danışdım. Səbəbi də bildirdim - Ukraynadakı korrupsiya və Vaşinqtonla Kiyev arasındakı korrupsiya əlaqələri. Danışdım, xəbərdarlıq etdim, dünya mediasından diqqət etmələrini istədim", - Zaxarova diqqət çəkib.
“Bloomberg, The New York Times, The Wall Street Journal, The Politico, The Associated Press, BBC və digərlərindən soruşun, onlar bizim məlumatımıza neçə dəfə istinad edib və ya araşdırıblar? Sizə bir ipucu verim: heç də yox. Mən Rusiyanın beynəlxalq ictimaiyyətə dəfələrlə və açıq şəkildə müraciət etdiyinə dair sübutlar dərc edirəm”, - deyə Rusiya Xarici İşlər Nazirliyinin nümayəndəsi qeyd edib.
Rusiya diplomatik xidmətinin məlumatlarına görə, Mariya Zaxarovanın brifinqləri zamanı dəfələrlə xəbərdarlıqlar edilib və Qərbin Ukraynaya göndərdiyi silahların nəzarətsiz şəkildə yayılması faktları qeyd edilib.
Diplomat bu silahların bütün qitələrdə yayılmasına, mütəşəkkil cinayətkarların və radikalların əlinə keçməsinə diqqət çəkib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.