BAKI, 9 oktyabr - Sputnik. Dəmir çatışmazlığı və kifayət qədər vitamin ehtiyatının azlığı müxtəlif xəstəliklərin xəbərçisidir. Səhərlər yorğun oyanmaq, gün ərzində tez yorulmaq, bədəndə bəzi ağrılar bir çox insanın ümumi şikayətidir. Bu problemləri yaşayanlar vitamin və mineral əlavələri qəbul edərkən, problemi təbii və asan yolla həll etmək istəyənlərin köməyinə cirə gəlir.
Sputnik Azərbaycan türk mətbuatına istinadən xəbər verir ki, cirə tozu ilə çay hazırlamaq çox praktikdir. Bir stəkan qaynadılmış suya bir çay qaşığı cirə əlavə etmək kifayətdir. Cirəni əlavə etdikdən sonra suyu qaynadıb süzmək lazımdır. İstəyə görə içinə yarım limon da sıxa bilərsiniz. Beləliklə, siz həm dadı, həm də təsiri olan çay əldə edəcəksiniz.
Yüksək dəmir mənbəyi olan cirə çayı içdiyiniz zaman ilk növbədə vitamin anbarlarınızı dolduracaqsınız. Sonra, təzələnmiş bədənə gedən yolda onun təsirləri tamamilə fərqli olacaq. Bu çay sizin orqanizminizdə güclü immunitet və detoks effekti yaradacaq.
Arıqlamağa kömək edən ən yaxşı ədviyyatlar arasında yer alan cirə qaz və şişkinlik problemlərinə son qoyaraq ödemi aradan qaldırmağa da kömək edir. Müntəzəm istehlak etsəniz, cirə çayı bu problemin ən yaxşı çarəsi ola bilər.
Cirənin və xüsusilə də cirə çayının mədə problemlərinin aradan qaldırılmasında təsirini də gözardı etmək olmaz. Yeməkdən sonra bir stəkan cirə çayı mədənizi sakitləşdirə bilər. Bundan əlavə, yeməklərdə istehlak edilən cirə maddələr mübadiləsinin daha aktiv işləməsinə kömək edir.
Həm də dərinin dostu olan cirə ekzema, qaşınma, qırmızı ləkələr və sızanaq kimi bütün dəri problemlərini aradan qaldırmaq üçün istifadə edilə bilər. Avropada bu mövzuda araşdırmalar davam edir.
Cirə tərkibindəki antioksidantlar sayəsində xəstəliklərə qarşı mübarizə apararaq immunitet sisteminin güclənməsində mühüm rol oynayır. Qara bibər, duz kimi həyatınızda fiksator halına gələn ədviyyatlara cirə əlavə edildikdə qışda baş verən xəstəliklərdən qaça bilərsiniz.
Böyüklərin gündəlik və müntəzəm olaraq istifadə etmələri lazım olan cirə çayı səhərlər ac qarına istehlak edildikdə yağların daha sürətli yanmasını təmin edir. Bu zaman insanlar cirə çayının miqdarını və istifadə detallarını istehsalçıdan öyrənə bilərlər. Cirə ac qarına yağ yandırmaqla yanaşı, tox mədəni də sakitləşdirmək qabiliyyətinə malikdir.