BAKI, 6 oktyabr — Sputnik. Bu gün Azərbaycanda beş rayonun qaz təchizatında müvəqqəti fasilə yaranacaq.
SOCAR "Azəriqaz" İstehsalat Birliyindən Sputnik Azərbaycan-a verilən məlumata görə, 06.10.2023-cü il tarixdə saat 08:00-dan "Qaz İxrac" İdarəsinə məxsus "Qaradağ-Xırdalan" magistral qaz kəmərinin 25,6-cı və 27,3-cü km-lər arası hissəsində yeni çəkilmiş qaz kəmərinin qaznəqli sisteminə birləşdirilməsi, saat 09:00-dan yeni çəkilmiş "Böyük Bəhmənli-Şuşa" yeraltı magistral qaz kəmərinin "Beyləqan-Horadiz" magistral qaz kəmərinə birləşdirilməsi, həmçinin "İvanovka" QPS-də qızdırıcı sobanın giriş və çıxış xətləri üzərində quraşdırılmış istismara yararsız və tənzimləyici qovşağın girişində kranların dəyişdirilməsi ilə əlaqədar "Xocasən", "Alatava", "Sulu-Təpə", "Horadiz" və "İvanovka" QPS-lərdən, "Fərəh MMC" və "Füzuli Diaqnostika" ölçü qovşaqlarından qaz təchizatının dayandırılması planlaşdırılır.
Təmir işləri aparılan müddətdə Füzuli (şəhəri daxil olmaqla), İsmayıllı eləcə də paytaxtın Yasamal, Nəsimi, Binəqədi rayonlarının bir hissəsinin qaz təchizatında müvəqqəti fasilə yaranacaq.