BAKI, 6 oktyabr - Sputnik. Sentyabrın 19-20-də Qarabağda keçirilən lokal miqyaslı antiterror tədbirləri zamanı yaralanan DİN-in Çevik Polis Alayının polis nəfəri Əzizbəy Muradov bu gün şəhid olub.
44 günlük Vətən müharibəsinin də iştirakçısı olan Ə.Muradov müharibə vaxtı azad edilən yaşayış məntəqələrindən birində piano ifa etməsi ilə məşhurlaşmışdı.
Muradov azad edilmiş torpaqlardakı yaşayış evlərindən birində xüsusi olaraq Sputnik Azərbaycan üçün "Şuşanın dağları" mahnısını səsləndirmişdi.
Şəhidimizə Allahdan rəhmət diləyirik!
Həmin ifa barədə 24.12.20-ci il tarixində getmiş məqaləni və Əzizbəy Muradovun unudulmaz ifasını nəzərinzə çatdırırıq:
Bir müddətdir ki, Şuşadakı dağınıq evlərdən birində tapdığı pianodakı "İncə bellim" ifası ilə məşhurlaşan könüllü əsgər Əzizbəy Muradov Sputnik Azərbaycan üçün eksklüziv ifa edib. O, bu dəfə əsgər yoldaşları ilə birgə salamlarını çatdıraraq "Şuşanın dağları"nı ifa edib.
Sputnik Azərbaycan həmin videonu təqdim edir: