BAKI, 5 oktyabr — Sputnik. Tokio Asiya-Sakit okean regionunda gərginliyin artması barədə xəbərdarlıq edib.
Rusiya, genişmiqyaslı Yaponiya-ABŞ hərbi təlimlərinin Rusiya sərhədləri yaxınlığında keçirilməsinə kəskin etirazını bildirib.
Bu barədə Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.
"Oktyabrın 2-də Yaponiya səfirliyinə sentyabrın 14-dən 23-dək Rusiyanın sərhədlərinə yaxın ərazidə Hokkaydo adasında genişmiqyaslı Yaponiya-ABŞ hərbi təlimlərinin keçirilməsi ilə bağlı kəskin etiraz bildirilib", - deyə diplomat bildirib.
O, etirazın 2023-cü ilin oktyabr-dekabr aylarında eyni manevrlərin həyata keçirilməsi planlarına görə də elan edildiyinə aydınlıq gətirib.
Rusiya Xarici İşlər Nazirliyinin rəsmi nümayəndəsinin verdiyi məlumata görə, Yaponiya tərəfinə Rusiya sərhədləri yaxınlığında, o cümlədən Şimali Atlantika Alyansı ölkələri ilə "nümayişkaranə hərbi fəallığın qəti şəkildə yolverilməz" olduğu bildirilib. Bundan əlavə, Zaxarovanın sözlərinə görə, ölkə hakimiyyətinə bu yolla Asiya-Sakit okean regionunda gərginliyin təhlükəli şəkildə artması yolu ilə getdikləri barədə xəbərdarlıq edilib.
Yaponiya və ABŞ ilk dəfə deyil ki, bu cür birgə təlimlər keçirirlər. Ötən ilin oktyabrında Rusiyanın Yaponiyadakı səfiri Mixail Qaluzin NATO ölkələrinin Rusiyanın Uzaq Şərq sərhədləri yaxınlığında Yaponiya ilə manevrlərdə iştirak etməsinin Moskvadan adekvat tədbirlər tələb edən bir təhlükə olduğunu söyləyib.