BAKI, 4 oktyabr — Sputnik. Ermənistanın keçmiş ombudsmanı Kristine Qriqoryan baş nazir Nikol Paşinyanın sərəncamı ilə Xarici Kəşfiyyat Xidmətinin rəhbəri vəzifəsinə təyin edilib.
Ermənistan KİV-ləri yazır ki, bu barədə müvafiq sənəd Ermənistan hökumətinin saytında yerləşdirilib.
"Xarici kəşfiyyat fəaliyyəti və Xarici Kəşfiyyat Xidməti haqqında" qanunun 19-cu maddəsinin 1-ci hissəsini rəhbər tutaraq, Kristine Qriqoryan Xarici Kəşfiyyat Xidmətinin rəhbəri vəzifəsinə təyin edilsin", - Baş nazir Nikol Paşinyanın imzaladığı sərəncamda qeyd edilib.
Qeyd edək ki, Xarici Kəşfiyyat Xidməti kəşfiyyat və terrorizmlə mübarizə ilə məşğul olacaq, həmçinin hökumət başçısına birbaşa tabe olacaq.