BAKI, 1 oktyabr — Sputnik. Almaniyanın "Johannes Gutenberg" universiteti tərəfindən aparılan sorğunun nəticəsi olaraq bəlli olub ki, nəvələrlə daha çox zaman keçirtmək, onlara baxmaq yaşlılar üçün çox faydalıdır.
Belə ki, universitet tərəfindən 50-80 yaş arası olan 14 min 810 nəfər arasında aparılan sorğunun nəticəsi olaraq alimlər belə qənaətə gəliblər ki, nəvəyə baxmaq yaşlıların həm fiziki, həm də zehni inkişafını daha da sürətləndirir.
Bundan başqa, alimlər bildirir ki, nəvələri ilə çox zaman keçirən yaşlılar digərləri ilə müqayisədə depressiyadan əziyyət çəkmir, özlərinə qapanmırlar.
Belə yaşlılar cəmiyyətdə çox rahat sosiallaşa bilər.
Sağlam və daha gümrah olmaq, həyatdan zövq almaq, depressiya və stresdən uzaq olmaq üçün alimlər yaşlılara nəvələri ilə birgə daha çox zaman keçirtməyi tövsiyə edir.