BAKI, 28 sentyabr — Sputnik. Qərb ölkələri Ukraynada müvəqqəti atəşkəsə ehtiyac olduğunu bəyan edir. Lakin bu müddət ərzində Kiyev daha çox silahla doldurulacaq.
Bunu Rusiyanın xarici işlər naziri Sergey Lavrov "TASS"a bildirib.
Nazirin sözlərinə görə, hazırda danışıqların bu ilin payızında başlaya biləcəyi üçün heç bir ilkin şərt yoxdur. Əgər belə təxribat xarakterli şayiələr yaranarsa, bu o deməkdir ki, Qərb sadəcə olaraq Moskvanın onun şərtləri ilə razılaşmağa hazır olub-olmadığını sınayır.
"Şərtləri isə onlar əslində gizlətmirlər: bir neçə ay fasilə vermək", - deyə Lavrov qeyd edib.
O əlavə edib ki, bu qədər vaxt Ukraynaya əlavə silahların verilməsi üçün lazımdır. Kollektiv Qərb Minsk razılaşmalarını imzalayarkən də eyni taktikadan istifadə edib.
Lavrov bundan əvvəl Rusiya Prezidenti Vladimir Putinin Minsk razılaşmalarının həmmüəlliflərinin Rusiya liderini çaşdırdığını bildirmişdi. Sənəd Kiyev rejiminin arsenalını doldurmaq üçün vaxt qazanmaq üçün lazım idi.