BAKI, 21 sentyabr - Sputnik. Yunanıstanda əmək qanunvericiliyindəki dəyişikliklərə etiraz olaraq ümummilli tətil keçirilir.
Bu barədə "Reuters" beynəlxalq xəbər agentliyi xəbər verir.
"Yunanıstan dövlət sektorunun işçiləri əmək qanunlarına edilən dəyişikliklərə etiraz etmək üçün cümə axşamı işə getməyiblər", - məlumatda deyilir.
Qeyd olunur ki, tətil səbəbindən cümə axşamı qatarlar və avtobuslar qısaldılmış qrafiklə işləyir, bir çox məktəblər bağlanıb.
Bu yaxınlarda Litvada müəllimlər həmkarlar ittifaqının sentyabrın 29-dan tətil elan edəcəyi bildirilib. Tədbir təhsil sahəsindəki problemlərin əksəriyyətinin "həll edilməməsi, rəqəmlərin və faktların təfsirinin arxasında gizlədilməsi" ilə əlaqədardır.