BAKI, 21 sentyabr — Sputnik. Azərbaycan çox qərarlı şəkildə qarşıda duran problemləri hərbi münaqişələrə getmədən, qısa müddətdə həll etmək iqtidarındadır.
Bunu kibertəhlükəsizlik konfransında İsrailin sabiq baş naziri Ehud Olmert bildirib.
Onun sözlərinə görə, İsrail-Azərbaycan münasibətləri İsraildə uzun illərdir ki, yüksək qiymətləndirilir.
"Ölkələrimiz arasında münasibətlər çox böyük əhəmiyyətə malikdir. İsrailin baş naziri olduğum vaxtlarda bizim Azərbaycanla çox yaxın əməkdaşlığımız var idi, Prezident İlham Əliyevlə çox yaxın dostluğumuz var", - deyə eks baş nazir vurğulayıb.