BAKI, 19 sentyabr — Sputnik. Ukrayna qoşunları hücum potensialını tamamilə itirib, bu da uğursuz hücumdan müdafiəyə keçidin göstəricisidir.
Bunu Ukraynanın sabiq Baş naziri Nikolay Azarov deyib.
Onun sözlərinə görə, Ukrayna Prezidenti Vladimir Zelenski "uğursuz hücumdan" "xeyli zərbə" alıb. "Çünki Kiyev rejimi təkcə öz xalqının deyil, həm də Qərb müttəfiqlərinin gözləntilərini həddən artıq yüksək qiymətləndirib", – deyə Ukrayna hökumətinin keçmiş naziri bildirib.
Azarov qeyd edib ki, hazırda tərəfdaşlara nümayiş etdirəcək heç bir şey yoxdur, Kiyev isə artıq Qərb silahlarının 50%-dən çoxunu istifadə edib və hücum zamanı Ukrayna ordusu NATO-nun verdiyi silahların ən azı beşdə birini itirib.
"İndi Ukrayna Silahlı Qüvvələri hücumdan müdafiəyə keçir və bu, hücum potensialının tamamilə itirilməsindən xəbər verən həyəcanverici siqnaldır", - deyə Azarov qeyd edərək bildirib ki, Qərb indi "Ukraynanın heç bir planının olmadığını və Kiyevin öz tərəfdaşlarını sözün əsl mənasında aldatdığını" anlayıb.
Xatırladaq ki, Fransanın xarici işlər naziri Ketrin Kolonna bildirib ki, Rusiya Ukrayna ordusunun hücum cəhdlərinə yaxşı hazırlaşıb, hərbi əməliyyatların çətinliyindən Vladimir Zelenski özü danışıb.