BAKI, 7 sentyabr — Sputnik. Rusiyanın xarici işlər naziri Sergey Lavrov Banqladeşə gəlib. Bu, müasir Rusiyanın xarici işlər nazirinin artıq tarixi adlandırılan ilk səfəridir.
Bu barədə "TASS" xəbər verib.
Bir gün əvvəl Xarici İşlər Nazirliyinin sözçüsü Mariya Zaxarova departament rəhbərinin ölkənin baş naziri ilə görüşəcəyini və banqladeşli həmkarı Abdulkəlam Abdul Momen ilə danışacağını bildirib. Tərəflər Rusiya-Banqladeş münasibətlərinin vəziyyəti və inkişaf perspektivlərini, regional və beynəlxalq gündəlikdəki aktual məsələləri müzakirə edəcəklər.
Bundan əvvəl Sergey Lavrovun Banqladeşə ilk dəfə sentyabrın əvvəlində səfər edəcəyi məlum olmuşdu. Səfər digər iki tədbir - İndoneziyada keçirilən Şərqi Asiya Sammiti və Hindistandakı G20 sammiti arasında baş tutacaq. Bundan əvvəl Rusiya xarici işlər naziri İndoneziyanın paytaxtı Cakartaya səfər edib.