BAKI, 31 avqust — Sputnik. Rusiyanın Barents dənizi üzərində hava məkanına nəzarət vasitələri Rusiya Federasiyasının Dövlət Sərhədinə yaxınlaşan hava hədəfi aşkarlayıb.
Hava hədəfinin müəyyən edilməsi və Rusiya Federasiyasının dövlət sərhədinin pozulmasının qarşısının alınması üçün Şimal Donanmasının hava hücumundan müdafiə qüvvələrinə məxsus MiQ-31 qırıcısı havaya qaldırılıb.
Rusiya qırıcısının ekipajı hava hədəfinin Norveç Hərbi Hava Qüvvələrinin "R-8A Poseidon" baza patrul təyyarəsi olduğunu müəyyən edib.
Rusiya qırıcı təyyarəsi yaxınlaşarkən xarici hərbi təyyarə Rusiya Federasiyasının Dövlət Sərhədindən geri dönüş edib.
Müdafiə Nazirliyindən bildirilib ki, Rusiya Federasiyasının Dövlət Sərhədinin pozulmasına yol verilmir.
Rusiya qırıcısının uçuşu hava marşrutlarını keçmədən və xarici dövlətin təyyarəsinə təhlükə olmadan neytral sular üzərində hava məkanından istifadə etməklə beynəlxalq qaydalara uyğun olaraq həyata keçirilib.