RF-in Donbasın müdafiəsi üzrə xüsusi əməliyyatı

Krıma hücum etmək istəyən PUA-lar havada məhv edildi

İki pilotsuz uçuş aparatı Krım ərazisi üzərində növbətçi hava hücumundan müdafiə vasitələri tərəfindən məhv edilib.
Sputnik
BAKI, 28 avqust — Sputnik. Rusiya hava hücumundan müdafiə sistemləri Krım üzərində iki Ukrayna pilotsuz təyyarəsini məhv edib. Bu barədə Rusiya Müdafiə Nazirliyi məlumat yayıb.
"Bu gün saat 10:30 radələrində Kiyev rejiminin iki təyyarə tipli PUA-sı Rusiya Federasiyası ərazisində obyektlərə terror aktı törətmək cəhdi göstərib, hücumun qarşısı alınıb", - məlumatda deyilir.
Qeyd olunur ki, iki pilotsuz uçuş aparatı Krım ərazisi üzərində növbətçi hava hücumundan müdafiə vasitələri tərəfindən məhv edilib.
Xatırladaq ki, avqustun 28-də Moskva vaxtı ilə saat 04:30 radələrində hava hücumundan müdafiə qüvvələri Kiyev rejiminin Rusiya Federasiyası ərazisində təyyarə tipli pilotsuz uçuş aparatı ilə növbəti terror aktı törətmək cəhdinin qarşısını alıb. PUA havada məhv edilib", - agentlik bildirib.