BAKI, 24 avqust — Sputnik. Avrasiya İqtisadi İttifaqı (Aİİ) ölkələri biotəhlükəsizlik sahəsində vahid siyasət və nəzarət sisteminə malik olmalıdır, bunu son koronavirus pandemiyası da təsdiqləyib. Bunu Rusiya Elmlər Akademiyasının akademiki, Rusiya Təhsil Akademiyasının vitse-prezidenti Gennadi Onişenko bildirib,
Moskva - Minsk - Bişkek - İrəvan - Astana videokörpüsü zamanı o, jurnalistlərin Aİİ ölkələrinin biotəhlükəsizliyi ilə bağlı suallarını cavablandırıb.
"Kimsə bizdə də daxil olmaqla, Aİİ ölkələrində səhiyyə sistemlərinin həyat qabiliyyətini yoxlamaq istəsə, o zaman koronavirus pandemiyasından daha yaxşı sınaq tapmaq çətin olar. Çin pandemiaydan qalib kimi olmasa da, ondan çıxan və ən az təsirlənən yeganə ölkədir. Deyim ki, Ümumdünya Səhiyyə Təşkilatının peşəkar və ictimai sahədə yeniləməyə çalışdığı qorxuların heç bir obyektiv və elmi əsası yoxdur" - Gennadi Onişenko deyib.
Akademik eyni zamanda etiraf edir ki, payızın gəlişi ilə soyuqdəymə və qrip, o cümlədən koronavirusa yoluxma halları artacaq, bu infeksiyalar bir-birini izləyəcək.
Onun sözlərinə görə, Omikron ştammının "nəvəsi" adlandırdığı XVV 1925-ci il koronavirusunun yeni ştamından ağır klinik və ya ölüm hallarının artması gözləmək lazım deyil. Xəstəlik daha yoluxucu olacaq, lakin ona müqavimət göstərmək daha asan olacaq.
Eyni zamanda, Onişenko koronavirusa qarşı peyvənd və yenidən oeyvənd olunmaqdan imtina etməməyə çağırıb.
Akademik onu da qeyd edib ki, İttifaq ölkələri tədricən vahid səhiyyə sisteminə keçəcək, çünki artıq ümumi mal, xidmət və əmək bazarı fəaliyyət göstərir. Onun fikrincə, bu proses inkişaf yolu ilə gedir.
"Biz vahid standart yaratmayacağıq, lakin biz səhiyyənin strukturlarını mümkün qədər yaxınlaşdıra bilərik, ən əsası isə beş ölkədə bu səhiyyənin ideologiyasını birləşdirə bilərik. Bu istiqamətdə işlər davam edir. Müəyyən dövlətlərüstü sənədlərin qəbulu ilə bağlı konsensus qərarları qəbul edilir", - Gennadi Onişenko deyib.
Onun sözlərinə görə, Avrasiya İqtisadi Komissiyası artıq iqtisadiyyatın müxtəlif sahələri üzrə 70-dən çox dövlətüstü sənəd hazırlayıb və qəbul edib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.