BAKI, 18 avqust — Sputnik. Sentyabrın 1-dən Rusiyada yeni taksi qanunu qüvvəyə minəcək. Yeni qanun Aİİ ölkələrindən olan sürücülərə də təsir edəcək.
Bu barədə MİR 24 telekanalının efirində AİK-nin Əmək Miqrasiyası və Sosial Müdafiə Departamentinin direktor müavini Oleq Artamonov deyib.
O bildirib ki, yeni tələblər bütün taksi sürücülərinə, o cümlədən Rusiya və Aİİ ölkələrinin vətəndaşlarına şamil edilir.
"Dörd əsas dəyişiklik var. Birincisi, qanunda yeni taksi sürücüləri kateqoriyası, yəni fərdi sahibkarlar yaranıb. Bu, hazırda Rusiyada sınaqdan keçirilən xüsusi vergi rejimidir. İkincisi, fəaliyyət göstərdiyi şəhəri bilməklə bağlı sürücü sertifikatından keçmək tələbi qoyulub. Üçüncü, bu fəaliyyət üçün icazə pulsuz verilir, bu önəmlidir. Digər dəyişiklik rəqəmsallaşma ilə bağlıdır və üç reyestrin tətbiqi ilə bağlıdır: daşıyıcı, taksi və taksi sifarişi. Bu prosesin bütün iştirakçıları kifayət qədər aydındır", - Oleq Artamonov bildirib.