BAKI, 17 avqust - Sputnik. "Bu gün biz əlamətdar tarixi - dahi Azərbaycan müğənnisi, bəstəkarı və mədəniyyət xadimi, sovet xalqının bir neçə nəslinin nəğmələri ilə yetişmiş Müslüm Maqomayevin doğum gününü qeyd edirik". Bunu Sputnik Azərbaycan-a müsahibəsində Rusiyanın Azərbaycandakı fövqəladə və səlahiyyətli səfiri Mixail Yevdokimov deyib.
Diplomat əfsanəvi ifaçının xatirəsini Azərbaycan paytaxtının Birinci Fəxri Xiyabandakı iqamətgahında yad etməyə gəlib.
"Bizim hamımızın - sovet vətəndaşları və Rusiya vətəndaşları üçün - Maqomayev əbədi qəlbimizdədir, ona görə də bu gün onun xatirəsini ehtiramla yad edirik", deyə Evdokimov bildirib.
Onun sözlərinə görə, Moskvaya həsr olunmuş “Yerin ən yaxşı şəhəri” mahnısı məhz Maqomayevin ifasından sonra Rusiya paytaxtının qeyri-rəsmi himninə çevrilib. Diplomat ifaçının məzarı üzərində ucaldılan abidəsinə də heyran olduğunu bildirib.
"Ruhla yaradılmış gözəl abidə! Maqomayev yaddaşımızda əbədi olaraq belə qaldı", - deyə Rusiya Federasiyasının səfiri bildirib.
Xatırladaq ki, bu gün əfsanəvi azərbaycanlı müğənni, bir neçə nəslin kumiri Müslüm Maqomayevin 81 yaşı tamam olur. Hər il avqustun 17-də çoxsaylı pərəstişkarları və yaxın dostları onun Bakıda məzarını ziyarət edirlər. Hamı dahi müğənninin xatirəsini qəlblərində yaşadaraq, onun ölməzliyini uzadır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.