BAKI, 15 avqust — Sputnik. Rusiya Federal Təhlükəsizlik Xidməti Ukrayna xüsusi xidmət orqanlarının göstərişi ilə xüsusi hərbi əməliyyat zonasına yüklərin daşınması ilə bağlı məlumat ötürən Krım sakinini saxlayıb. Rusiya FTX-nin İctimaiyyətlə Əlaqələr Mərkəzindən verilən məlumata görə, saxlanılan şəxs partlayıcı qurğu saxlanılan anbarın yeri barədə məlumat verib.
"Ukrayna milliyyətçi ideologiyasının tərəfdarı, 1965-ci il təvəllüdlü Rusiya vətəndaşının fəaliyyəti Ukrayna xüsusi xidmət orqanlarının göstərişi ilə Krım ərazisindən keçən hərbi yüklərin formalaşması və daşınması barədə məlumat ötürmək olub", - deyə məlumatda qeyd olunub.
"Saxlanılan şəxs Ukrayna Təhlükəsizlik xidməti ilə əməkdaşlıq faktını təsdiqləyib və 1 kq ağırlığında plastik partlayıcının olduğu istifadəyə hazır əldəqayırma partlayıcı qurğunun saxlandığı anbarın koordinatlarını bildirib", - məlumatda bildirilib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.