BAKI, 14 avqust — Sputnik. "Ordu-2023" forumunda 82 xarici şirkət məhsul təqdim edib. Bu barədə Rusiya prezidenti Vladimir Putin forum iştirakçılarına videomüraciətində bildirib.
"Biz həm də şadıq ki, getdikcə daha çox xarici hərbi-sənaye şirkəti forumun iştirakçısına çevrilir. Əgər keçən il burada 32 təşkilat öz məhsullarını nümayiş etdirirdisə, bu il 82-dir", - Putin bildirib.
Belarusun müdafiə naziri Viktor Xrenin öz növbəsində bildirib ki, Ordu forumu müstəqil siyasət yürüdən ölkələrə Qərbin təzyiqləri qarşısında strateji tərəfdaşlığın inkişafının simvoluna çevrilib.
"Qlobal qeyri-sabitlik və kollektiv Qərbin öz suveren və müstəqil siyasət yürüdən dövlətlərə misli görünməmiş təzyiqi kontekstində Ordu forumu strateji tərəfdaşlığın formalaşması və inkişafının simvoluna çevrilib", - Xrenin Ordu-2023"də deyib.
O, tədbirin dövlətlər arasında hərbi-texniki əməkdaşlığın inkişafına xidmət edəcəyinə, yeni əlaqələrin yaradılması və mövcud əlaqələrin inkişafı üçün başlanğıc nöqtəsinə çevriləcəyinə ümidvar olduğunu bildirib.
"Bu, peşəkar məsələlərin konstruktiv müzakirəsi, təcrübə mübadiləsi üçün unikal imkandır", - Xrenin vurğulayıb.
Avqustun 14-dən 20-dək Moskva yaxınlığındakı Kubinkadakı "Patriot" parkında Rusiya Müdafiə Nazirliyinin təşkilatçılığı ilə "Ordu-2023" beynəlxalq hərbi-texniki forumu keçirilir. RİA Novosti forumun rəsmi informasiya tərəfdaşıdır.