BAKI, 13 avqust - Sputnik. Ukraynaya kömək etmək üçün birləşən və Kiyevi silahla təmin edən Qərb ölkələri birlikdə olsa belə, döyüş meydanında Rusiyaya qalib gələ bilməyəcək. Bu barədə Serbiya Prezidenti Aleksandr Vuçiç "Happy" telekanalının efirində bildirib.
"Qərb bütün gücü ilə döyüş meydanında Rusiyanı məğlub edə bilməyəcək. Amma mən əmin deyiləm ki, Rusiya döyüş meydanında nəyəsə nail ola bilər və o, siyasi baxımdan nəsə qazana bilər. Bu baxımdan ən yaxşı variant mümkün qədər tez atəşkəsə nail olmaqdır”, - Serbiya lideri bildirib.
O, ayrı-ayrılıqda münaqişənin “köhnəlmə” mərhələsinə qədəm qoyduğunu və Belqradın müxtəlif sülh təşəbbüslərini diqqətlə izlədiyini, həmçinin digər məsələlərlə yanaşı, Vaşinqtonun da maraqlarına cavab verən və dünya iqtisadiyyatını sabitləşdirəcək barışığa arxalandığını qeyd edib.
Daha əvvəl Serbiya lideri qeyd edib ki, Rusiyanın Ukrayna ilə münaqişədə qələbəsi kollektiv Qərb, o cümlədən bütün Şimali Atlantika alyansı üçün məğlubiyyət demək olacaq. O, həmçinin diqqətə çatdırıb ki, Serbiya Silahlı Qüvvələri Ukraynadakı münaqişənin təfərrüatlı tədqiqi ilə döyüş hazırlığını artırır.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.