BAKI, 4 avqust — Sputnik. Moskva Ukraynada ədalətli sülhə nail olmaq üçün istənilən səyləri yüksək qiymətləndirir, lakin bu, yalnız ölkədəki rusdilli əhalinin hüquqları təmin olunarsa, mümkündür. Bunu Rusiyanın xarici işlər naziri Sergey Lavrov "International Affairs" jurnalına müsahibəsində bildirib.
O, vurğulayıb ki, milli azlıqların hüquqlarına hamı tərəfindən ciddi əməl olunmasa, heç bir münaqişədə ədalətə nail olmaq mümkün deyil.
"Üstəlik, əhalinin əksəriyyəti üçün rus dilinin həmişə ana dili olduğu Ukrayna üçün bunun alternativi yoxdur", - nazir əlavə edib.
Lavrovun sözlərinə görə, Qərbin nizamlanmaya dair bütün təşəbbüsləri "Zelenski formulu"nu tətbiq etməyə və Ukraynadakı vəziyyəti 1991-ci il sərhədlərinə qaytarmağa yönəlib.
Rusiya Xarici İşlər Nazirliyinin rəhbəri Qərbi Ukrayna prezidenti Vladimir Zelenskidən Kiyevin münaqişə bitdikdən sonra ölkədəki rusların və digər milli azlıqların vəziyyətini necə gördüyü ilə bağlı dünyaya daha bir "düstur" təqdim etməyi xahiş etməyə çağırıb.
"Əminəm ki, bu, Qlobal Cənubun bir çox qayğıkeş ölkələrinə öz mövqelərini qurarkən nələrin baş verdiyini daha yaxşı anlamağa kömək edəcək. Biz İkinci Peterburqda Rusiya-Afrika Sammitində çoxsaylı müzakirələr və danışıqlar zamanı əmin idik ki, onlar böhranın mahiyyətini və onun aradan qaldırılması perspektivlərini hərtərəfli başa düşməkdə maraqlıdırlar", - Lavrov bildirib.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.