BAKI, 4 avqust — Sputnik. "Nirvana" qrupunun solisti Kurt Kobeynin elektrik gitarası avqust ayında keçiriləcək "Hollivud və musiqi artefaktları" "Kruse GWS Auction" hərracında böyük məbləğə satılacaq.
Xarici KİV-in xəbərinə görə, gitaranın satışından təxminən 200 min dollar əldə ediləcəyi planlaşdırılır. Bundan başqa, hərraca musiqiçinin rəsm əsərləri, fotoşəkilləri və üzgüçülük eynəkləri də çıxarılacaq.
Hərrac avqustun 26-da onlayn keçiriləcək, ümumilikdə 350-dən çox lot satışa çıxarılıb. Onların arasında xüsusilə müğənni Elvis Presli üçün hazırlanmış qiymətli əşyalar — onların dəyəri minlərlə dollar təşkil edir — eləcə də Merilin Monronun özündən başqa geyinmədiyi paltarları yer alıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.