BAKI, 4 avqust — Sputnik. Azad olunmuş ərazilərdən son bir ay ərzində 428 mina aşkarlanıb.
Bu barədə "İşğaldan azad edilmiş ərazilərdə Azərbaycan Respublikasının Minatəmizləmə Agentliyi (ANAMA) tərəfindən icra olunan əməliyyatlar" barədə aylıq məlumatında qeyd olunub.
ANAMA-nın xəbərinə görə, Tərtər, Ağdam, Laçın, Füzuli, Şuşa, Kəlbəcər, Qubadlı, Xocavənd, Cəbrayıl və Zəngilanda 190 piyada əleyhinə mina, 238 tank əleyhinə mina, 525 Partlamamış Hərbi Sursat (PHS) aşkarlanıb.
Bildirilib ki, 4226, 5 hektar ərazi mina və PHS-lərdən təmizlənib.
Qeyd edək ki, iyun ayında işğaldan azad olunan ərazilərdə üç yüz beş mina aşkarlanıb.
Digər maraqlı xəbərləri həmçinin Sputnik Azərbaycan-ın Teleqram kanalından izləyin.