Ölkələr yalnız təbii resurslara arxalanaraq iqtisadiyyatın davamlı inkişafını dəstəkləyə bilmirlər.
Bunu ekspert-iqtisadçı Natiq Cəfərli Sputnik Azərbaycan-a müsahibəsində deyib.
"Azərbaycanın qeyri-neft ixracının liderlərindən biri də elektrik enerjisidir. Bu, iqtisadiyyatın resurs seqmentidir. Çünki elektrik enerjisi neft məhsullarından, o cümlədən mazutdan istifadə etməklə istehsal olunur", - deyə Cəfərli bildirib.
İqtisadçı Azərbaycanın qeyri-neft ixracının əhəmiyyətli dərəcədə artdığını da qeyd edib.
Ekspert hesab edir ki, təbii sərvətlər hesabına iqtisadi artımı dəstəkləyən ölkələr dünya bazarlarında onlar üçün qiymət dəyişkənliyindən çox asılıdır.
"Bu və ya digər sahədə istehsalın inkişafı çox vaxt uzun illər çəkir. Kreditlərin yüksək faizi biznesin çökməsinə səbəb olur. İqtisadiyyatın aqrar seqmentini stimullaşdırmaq üçün xüsusilə ucuz kreditlərə ehtiyac var", - deyə Cəfərli fikrini yekunlaşdırıb.