BAKI, 28 iyul — Sputnik. Dövlət Neft Şirkətinin (SOCAR) "Azərikimya" İstehsalat Birliyinə yeni baş direktor təyin edilib.
Şirkətdən bildirilir ki, bu, Elnur Məmmədlidir.
O, 17 ildən artıqdır ki, SOCAR-ın müəssisələrində çalışır, son 7 ildə isə "SOCAR Türkiyə" şirkətində müxtəlif rəhbər vəzifələrdə işləyib və yeni vəzifəsində ekologiya və təbii sərvətlər naziri təyin olunmuş Muxtar Babayevi əvəz edib.
Xatırladaq ki, "Azərikimya"nın strukturuna Etilen-Polietilen zavodu ("EP-300", "Polimir-120" istehsalatlarından, izopropil spirti istehsalı sahəsindən, Buxar və elektrik enerjisi istehsalatından ibarət) və Təmir-tikinti İdarəsi daxildir.