BAKI, 27 iyul — Sputnik. İstanbul taxıl sazişinin yenilənməsi ilə bağlı Moskva, Kiyev və BMT nümayəndələri ilə əlaqə saxlayır.
Bu barədə TRT kanalı Türkiyə Müdafiə Nazirliyindəki mənbəyə istinadən məlumat verib.
Mənbə iddia edir ki, danışıqlar xarici işlər nazirliklərinin koordinasiyası səviyyəsində aparılır.
Türkiyə Müdafiə Nazirliyi bildirib ki, taxıl sazişi qlobal ərzaq təhlükəsizliyinin təmin edilməsinə əhəmiyyətli töhfə verir, buna görə də İstanbul onun fəaliyyətinin davam etdirilməsinin tərəfdarıdır.
"Bütün böhranlar xoşməramlılıq və dialoq əsasında həll edilə bilər", - deyə Türkiyə Müdafiə Nazirliyi bildirib.
Bu gün Rusiya Prezidenti Vladimir Putin Rusiya-Afrika sammitində bir daha bildirib ki, Rusiya ilə bağlı münasibətdə Qara Dəniz Taxıl Təşəbbüsündə nəzərdə tutulan şərtlərin heç biri yerinə yetirilməyib.
Taxıl sazişi iyulun 18-də dayandırılıb, Rusiya Federasiyası Türkiyə, Ukrayna və BMT-ni onun uzadılmasına etirazı barədə xəbərdar edib. Rusiya prezidenti Vladimir Putin əvvəllər qeyd edib ki, BMT-nin səylərinə baxmayaraq, Rusiya ilə razılaşmanın şərtləri yerinə yetirilməyib, çünki Qərb ölkələri vədlərinə əməl etmək niyyətində deyillər. Putin dəfələrlə qeyd edib ki, Qərb Ukrayna taxılının böyük hissəsini Avropa ölkələrinə ixrac edib və sövdələşmənin əsas məqsədi - ehtiyacı olan ölkələrə, o cümlədən Afrika ölkələrinə taxıl tədarükü heç vaxt həyata keçirilməyib.
Qara Dəniz Taxıl Təşəbbüsü fəaliyyətini dayandırdıqdan və dəniz humanitar dəhlizinin məhdudlaşdırılmasından sonra, 20 iyul 2023-cü il gecə yarısından etibarən Qara dənizdəki Ukrayna limanlarına gedən bütün gəmilər potensial hərbi yük daşıyıcıları hesab edilir və Kiyev rejiminin tərəfində Ukrayna münaqişəsinə cəlb edilir, Rusiya Müdafiə Nazirliyi bildirir. Bundan əvvəl Bloomberg yazıb ki, gəmiçilik biznesinin bir sıra nümayəndələri əmindirlər ki, taxıl müqaviləsinin müddəti başa çatdıqdan sonra "ağılları yerində olan" heç kim gəmiləri təhlükəli marşrutlar üzrə dənizə göndərməyəcək.