BAKI, 27 iyul — Sputnik. Rusiya və Türkiyə taxıl sazişi və ərzaq tədarükü ilə bağlı əlaqələri davam etdirir.
Bu barədə TASS Rusiya xarici işlər nazirinin müavini Sergey Verşininin açıqlamasına istinadən xəbər verib.
Nazir müavini qeyd edib ki, Türkiyə tərəfi ilə taxıl sazişi üzrə mübadilələr davam edir.
"Qlobal ərzaq təhlükəsizliyinin və "Qara dəniz təşəbbüsünə" xas olan təhriflər olmadan ehtiyacı olan ölkələrə tədarükün təmin edilməsinə yönəldiləcək bu cür addımların imkanları müzakirə olunur", - deyə Verşinin qeyd edib.
Bu yaxınlarda Ukrayna Prezidenti Vladimir Zelenski taxıl sazişi üzrə Ukrayna-NATO Şurasının iclasını elan edib.
Həmçinin, Rusiya Müdafiə Nazirliyi bildirib ki, iyulun 20-dən etibarən Qara dənizdən Ukrayna limanlarına gedən bütün gəmilər potensial silah daşıyıcıları kimi nəzərdən keçiriləcək və Kiyev rejimi tərəfindən münaqişəyə cəlb olunmuş hesab ediləcək.
Taxıl sazişi iyulun 18-də dayandırılıb, Rusiya Federasiyası Türkiyə, Ukrayna və BMT-ni onun uzadılmasına etirazı barədə xəbərdar edib. Rusiya prezidenti Vladimir Putin əvvəllər qeyd edib ki, BMT-nin səylərinə baxmayaraq, Rusiya ilə razılaşmanın şərtləri yerinə yetirilməyib, çünki Qərb ölkələri vədlərinə əməl etmək niyyətində deyillər. Putin dəfələrlə qeyd edib ki, Qərb Ukrayna taxılının böyük hissəsini Avropa ölkələrinə ixrac edib və sövdələşmənin əsas məqsədi - ehtiyacı olan ölkələrə, o cümlədən Afrika ölkələrinə taxıl tədarükü heç vaxt həyata keçirilməyib.
Qara Dəniz Taxıl Təşəbbüsü fəaliyyətini dayandırdıqdan və dəniz humanitar dəhlizinin məhdudlaşdırılmasından sonra, 20 iyul 2023-cü il gecə yarısından etibarən Qara dənizdəki Ukrayna limanlarına gedən bütün gəmilər potensial hərbi yük daşıyıcıları hesab edilir və Kiyev rejiminin tərəfində Ukrayna münaqişəsinə cəlb edilir, Rusiya Müdafiə Nazirliyi bildirir. Bundan əvvəl Bloomberg yazıb ki, gəmiçilik biznesinin bir sıra nümayəndələri əmindirlər ki, taxıl müqaviləsinin müddəti başa çatdıqdan sonra "ağılları yerində olan" heç kim gəmiləri təhlükəli marşrutlar üzrə dənizə göndərməyəcək.