BAKI, 27 iyul — Sputnik. Sahara səhrasının cənubunda yerləşən bir neçə Afrika ölkəsi Rusiyanın Mi-28NE hücum helikopterlərini almaqda maraqlıdır və onların tədarükləri artıq həyata keçirilir.
Bu barədə TASS agentliyinə Rusiyanın Hərbi-Texniki Əməkdaşlıq üzrə Federal Xidmətinin direktoru Dmitri Şuqayev məlumat verib.
"Saharanın cənubundakı Afrika ölkələrində Mi-28NE helikopterlərinin alınmasına maraq var, bu texnikanın tədarükü həyata keçirilir", - deyə Şuqayev bildirib.
O, həmçinin Afrikanın maraqlandığı digər helikopterləri - Ka-52M-ləri də xatırladıb. Lakin onların tədarükü barədə danışmaq hələ tezdir, hazırda yalnız müqaviləqabağı işlər aparılır. Şuqayev bildirib ki, bu texnikaya tələbat onun xüsusi hərbi əməliyyat (XHƏ) zonasında effektivliyinin nəticəsi olub.
Bu yaxınlarda KP.RU qeyd edib ki, Rusiya Prezidenti Vladimir Putin yaxın gələcəkdə Rusiya ilə Afrika arasında ticarət dövriyyəsinin artırılmasının mümkünlüyünü açıqlayıb.